Turn into A Geek
ملحوظة: توقف العمل علي هذا الموقع بشكلِِ نهائي
كيفية تشغيل الدراعات علي أي لعبة !
السلام عليكم متابعي Creative Geek أهلاً بيكم في درس جديد
إنهاردة هنعرف إزاي نشغل الدراعات علي أي لعبة!!!
ملحوظة هاااااااامة: إقرا كل الخطوات الأول بعدين إبدء بالتنفيذ.
نبدأ علي بركة الله:
أولاً حمل الملفات المطلوبة من هنا أو من الزرار اللي فوق
.................................................
الطريقة الصحيحة لتثبيت البرنامج مع تأكد تفعيله:
1 إقفل النت
2 سطب البرنامج عادي
3 أوعي تفتح البرنامج دلوقتي
4 إنقل الكراك لمسار البرنامج (مرفق مع الملفات)
5 إفتح البرنامج ودوس F4
6 إعمل زي ما في الصورة المقابلة (كلمة السر في الملف المرفق)
7 شغل ملف الريجستري (المرفق مع الملفات)
8 شغل النت تاني ومبروك عليك
*******************************************
طريقة التعامل مع البرنامج:
- وصل الدراعات الأول
-أول ما تفتح البرنامج هيجيلك شاشة فيها كلام كتير ، دوس OK
-بعدين هيجيلك شاشة زي دي ، خلي الرقم ده 2 ودوس Next
حدد الإختيار الأول وإكتب أي إسم للدراع ، أنا هسميه Wireless Controller
بعدين هيجيلك الشاشة دي ، إمسك الدراع وحرك الأنالوج الشِمال ناحية الشِمال ودوس Next
ودلوقتي حركه لتحت ودوس Next
هيجيلك الشاشة دي ، جرب الأنالوج فيها ودوس Next
نروح للأنالوج اليمين ، حركه ناحية الشِمال ودوس Next
ودلوقتي حركه لتحت ودوس Next
هنا جرب زراير الدراع كلها بعدين Next ثم Finish ، أي رسالة تانية هتجيلك إقفلها
من الواجهة الرئيسية دوس علي Game Profiles
دوس علي Edit Configurations ودوس Yes
تجاهل الرسالة اللي هتجيلك ، دوس علي الزرار ده وإختار اللعبة
إختار الإختيار الأول ودوس OK
دوس علي Edit Configurations تاني
إتأكد إنك مختار الدراعات الصح
هنا بقي الجزء الحلو والصعب D: هنا هتبرمج كل زرار في الدراع يدوس علي إيه في الكيبورد بمعني إن مثلاً في لعبة ORI بيقفز من زرار المسافة (Space) أنا هخلي زرار X في الدراع مثلاً يدوس علي زرار المسافة في الكيبورد ، ننفذ وتوضح الرؤية بإن الله
دوس علي زرار X في الدراعات وبعدين إختار Quick Assignment
هيجيلك مربع صغير ، دوس علي Space
متنساش تكتب إسم الضبط (يستحسن تخليه نفس إسم اللعبة) في المكان المحدد بمستطيل أحمر
تاني؟ حاضر ، مثلاً في نفس اللعبة بيضرب من زرار الماوس الأيسر ، أنا عاوزه يضرب من المثلث في الدراعات نعمل الآتي:
دوس علي زرار المثلث في الدراعات وإختار Quick Assignment وإعمل زي اللي في الصورة
1 زر الماوس الأيسر
2 زر الماوس الأوسط
3 زر الماوس الأيمن
طب في ألعاب الـ FPS محتاج أحرك الماوس عشان أحرك الكاميرا ، أعمل ده إزاي؟
أقولك يا سيدي D:
في نفس الشاشة هتلاقي Joystick #1 اللي هي الأنالوج الشمال ، دوس عليها
1 بتخلي الأنالوج يحرك الماوس (دي خليها في Joystick #2).
2 دي بتخلي الأنالوج يدوس علي الزراير W.A.S.D ، اللي فوق W واللي تحت S وكدة يعني. D:
3 دي بتخلي الأنالوج يدوس علي زراير الأسهم.
4 دي بتخلي الأنالوج يدي نفس وظيفة زراير الأسهم اللي في الدراعات.
لاحظ إن المقصود بكلمة هنا هو لون السهم في الصورة
وبعدين Save And Close
وبس كدة D: ، لو عايز تبحث عن ضبط جاهز للعبة مشهورة دي هنا لو عايز تضيف لعبة تانية من هنا ، وبعدين تدوس هنا وتختار مكان اللعبة وبعدين تدوس هنا ومتنساش تدي إسم للضبط من المكان المتحدد بالمستطيل الأحمر.
في الواجهة الرئيسية ، من هنا تختار اللعبة ومن هنا تختار الضبط ، كل دراع بيتعمله ضبط لوحده!!
وبكدة نكون إنتهينا من شرح أساسيات البرنامج الواسع ده
أي حاجة مش مفهومة إستخدم التعليقات ، هرد عليك علي طول
تاني وتالت ورابع ، التعليقات مش محتاجة تسجيل ، مفيش حاجة في الموقع محتاجة تسجيل أصلاً
أشوفكوا بخير والسلام عليكم
لو البرنامج مشتغلش معاك بعد ما ركبت الكراك إمسح البرنامج وإعمل ريستارت وركز معايا عشان لا مجال للخطأ أثناء تنفيذ الآتي:
1 حمل البرنامج من موقعه الرسمي من هنا (في الموقع دوس علي الزرار البرتقالي)
2 سطب البرنامج عادي وشغله عادي برضه
3 إقفل البرنامج وشغله تاني
4 دلوقتي إقفل النت (والبرنامج شغال)
5 روح للبرنامج ودوس F4
6 نفذ التعليمات اللي في الصورة اللي فوق خالص اللي فيها المربعات (كلمة السر مرفقة مع الملفات المطلوبة)
7 لما البرنامج يتفعل رجع النت وبس كدة