Creative Geek

وقت الأندرويد
Android Time :D
By: Ahmed Taha
دي شوية تطبيقات مفيدة كدة عالماشي
***********************************
برنامج A1 SD Bench ، من إسمه كدة ، بيعرفك سرعة الكتابة والقراية علي الكارت الميموري، الذاكرة الداخلية، والرامة
*************************
برنامج ADM وده مشهور شوية ، بيساعدك علي الوصول لسرعة التحميل القصوي
*************************
برنامج Adblock Browser وده بيخليك تتصفح النت بدون إعلانات مفيد للناس اللي ممكن تقع ضحية للبرامج الخبيثة
*************************
برنامج ES File Explorer وده أنا بعتبر موبايلي من غيره مالهوش لازمة ، يعتبر الكل في 1 ، متصفح و مرسل ملفات ومدير شبكات و مدير للتخزينات السحابية و متصفح ومدير ملفات ومتصفح للروت وبرنامج فك ضغط للملفات المضغوطة و مشغل فيديوهات وموسيقي وبيحسب الملفات اللي واخدة أكبر مساحة ومدير للتحميلات وغيره كتير
*************************
برنامج الترجمة بتاع جوجل Google Translator بيساعدك توصل للترجمة بشكل أسرع وممكن تترجم الكلمات عن طريق الكاميرا
*************************
برنامج Lucky Patcher الشهير في تهكير التطبيقات ، صعب أستغني عنه خصوصاً إن عندي Rooted Phone
*************************
برنامج Musicmatch وده بيجيبلك الـ Lyrics أو كلمات الأغنية الأجنبية اللي إنت مشغلها ، مفيد لتعلم الإنجليزية لو إنت من النوع اللي بيحب الأغني الأجنبي
*************************
برنامج Awesome Pop-up Video وده بيخليك تشغل الفيديوهات سواء علي اليوتيوب أو من علي جهازك من خلال نافذة عائمة قابلة للتحريك علي الشاشة
*************************
برنامج Rotation Anywhere وده بيسمحلك بتدوير أي شاشة لأي إتجاه في أي تطبيق
*************************
برنامج Pocket وده بيسمحلك بتخزين صفحات النت لقراءتها Offline في وقت تاني
*************************
برنامج SD maid لحذف بقايا البرامج المحذوفة ، ممكن تستغني عنه لو عندك إصدار حديث من ES File Explorer
*************************
برنامج كورتانا المساعد الشخصي الشهير
حمله من هنا:
http://www.apkmirror.com/apk/microsoft-corporation/cortana/cortana-1-5-5-921-enus-release-release/cortana-1-5-5-921-enus-release-android-apk-download/
*************************
برنامج sound loader لتحميل الأغاني من الـ Soundcloud
*************************
برنامج Tasker أو برنامج Macrodroid ، الإثنين مهمتهم واحدة ، بيخلوك تعمل حاجات! :D خلوني أوضح :D مثلاً إنت عاوز الموبايل يعمل إهتزاز لما تفصل الشاحن ، أو تخليه يفتح برنامج لما المكالمة تخلص :D يعني تخليه يعمل حاجة لما حاجة تحصل وممكن تضيف شرط للحدوث :D نظرتك للأندرويد هتتغير بعد التطبيقين دول :D ، أنا جربت Macrodroid لكن مجربتش التاني اللي هو Tasker لكني عارف إن الإثنين ليهم نفس الوظيفة ، جربهم
*************************
برنامج SwiftKey Keyboard لا غني عن الكيبورد دي بالنسبة لناس كتيرة :D اللي لسة مجربهاش يجربها ويشوف بنفسه التغيير
*************************
تطبيق Xender اللي جاي مع كل أجهزة Infinix تقريباً :D أخف وأسرع بكتير من SHAREit اللي بياكل بروسيسور الموبايل
*************************
برنامج Shazam بيخليك تعرف إسم الأغنية اللي شغالة ، وجّه المايك لناحية الصوت وهو هيجيبلك إسمها وكلماتها
*************************
أفضل الـ Launchers علي الإطلاق ، Smart Launcher ، متحاولش تجرب غيره
*************************
برنامج UC Browser ، جربته ولقيته بيدمج كل المتصفحات في متصفح واحد متين (قوي يعني) :D بيمنع الإعلانات زي أد بلوكر و سريع زي كروم وبيوفر البيانات زي أوبرا
*************************
تطبيق Equalizer + Pro مشغل موسيقي بشكل تاني ، بيعمل تأثيرات مرئية وصوتية للموسيقي ، أيوة مرئية ، وعشان محدش هيلاقي التطبيق ده بسهولة اللينك ده من My Egy
http://myegy.to/Mobiles/311918/Equalizer_Pro_Music_Player_v2_5_9
*************************
تطبيق Zedge بيجمعلك كوكتيل خلفيات علي سلطة نغمات علي عصير خلفيات متحركة XD
*************************
أفضل برنامج رسم وتصميم Infinite Designer :D ، برنامج رائع بمعني الكلمة وينفع جامد لكل المصمممين ، البرنامج متخصص في إنتاج الصور مش التعديل عليها :D لكن ميضرش يعني ، المهم هتحمله من جوجل بلاي ، تفتحه مرة وبعدين تهكره ببرنامج Lucky Patcher سواء بالروت أو من غير أو إدفع لو معاك فلوس يعني هما 111 جنيه بس XD
*************************
البرنامج الغني عن التعريف وأفضل مشغلي الفيديوهات MX Player
*************************
برنامج LIGHT FLOW للموبايلات اللي فيها LED للإشعارات
بيخليك تختار لون محدد لكل نوعية من الإشعارات لما يجيلك مثلاً رسالة من الماسنجر تخليه ينور أزرق وإشعار من الفيس بوك تخليه ينور أخضر
*************************
برنامج CLIPPER :D بيوريك الـ History بتاع الحافظة اللي هي الـ Clipboard بحيث لو إنت نسخت حاجة ونسيت ونسخت غيرها تقدر ترجع الأولي عن طريق البرنامج ده طبعاً مش زي قوة ميزة الـ LG لكنها شغالة
*************************
برنامج GOOGLE KEEP :D لإضافة الملاحظات وتلوينها ومزامنتها عبر جميع أجهزتك المدعمة بتسجيل دخولك علي Gmail بما فيهم Google Chrome
*************************
برنامج tiny apps هو عبارة عن تطبيقات صغيرة طايرة على الشاشة XD مشغل موسيقى أو آلة حاسبة أو نوتة أو رسام، التطبيقات دي انت بتفتح اللي انت عايزه منهم بعد كدة تقدر تحركهم أو تصغرهم زي الماسنجر أو تغير حجمهم، يعني multitasking كويس كدة
*************************
برنامج SnapTube بيسمحلك بتحميل الفيديوهات من مختلف المواقع طبعاً مش موجود في Google Play زيه زي Lucky Patcher وتقدر تحمله من هنا: http://www.filedwon.info/q1qqb6amu6gk/SnapTube.rar.html
*************************
بس كدة لغاية دلوقتي
المقالة متجددة إن شاء الله